18 பேரிடம் கோடிக்கணக்கில் நிதி மோசடி செய்த பெண்ணுக்கு சிறை

18 பேரிடம் நிதி மோசடி செய்த குற்றச்சாட்டில் கைது செய்யப்பட்ட பெண் நீதிமன்றில் ஆஜர்படுத்தப்பட்டு விளக்கமறியலில் வைக்கப்பட்டுள்ளார்.

தொம்பே - கனேகொட பகுதியைச் சேர்ந்த குறித்த பெண் 18 பேரிடம் 1,07,50,000 ரூபா நிதி மோசடி செய்துள்ளதாக தொம்பே பொலிஸ் நிலையத்தில் 18 முறைப்பாடுகள் பதிவு செய்யப்பட்டுள்ளன.

இதனையடுத்து விசாரணை நடத்திய பொலிஸார் பெண்ணை கைது செய்து பூகொட நீதவான் நீதிமன்றில் ஆஜர்படுத்தியபோது அவர் தலா 5 லட்சம் ரூபா இரு சரீரப் பிணைகளில் செல்ல அனுமதிக்கப்பட்டார்.

எனினும் அவருக்கு பிணை வழங்க எவரும் முன்வராத காரணத்தால் அப்பெண் விளக்கமறியலில் வைக்கப்பட்டுள்ளார்