நித்யானந்தாவுக்கு எதிராக அருணகிரிநாதர் வழக்கு

மதுரை ஆதீன மடத்திற்குள் நித்யானந்தா, அவரது சீடர்கள் நுழைய தடை விதிக்க கோரி மூத்த ஆதீனம் அருணகிரிநாதர் தாக்கல் செய்துள்ள மனு மீதான விசாரணை தள்ளிவைக்கப் பட்டுள்ளது.

மதுரை ஆதீனம் மடத்தின் நிர்வாகத்தை அரசிடம் ஒப்படைக்க உத்தரவிடக்கோரி இந்து சமய அறநிலையத்துறை சார்பில் மதுரை மாவட்ட முதன்மை சப்&கோர்ட்டில் மனுத்தாக்கல் செய்யப்பட்டது. இதே கோர்ட்டில், மதுரை ஆதீனம் மடத்திற்குள் நித்யானந்தாவும், அவரது ஆட்களும் நுழைய தடை விதிக்க கோரி அருணகிரிநாதர் மனுத்தாக்கல் செய்துள்ளார்.

அருணகிரிநாதர் தன் மனுவில், நித்யானந்தா இளைய ஆதீனமாக இருந்த போது தானும், நித்யானந்தாவும் சேர்ந்து ஆதீன மட சொத்துக்களை நிர்வாகிக்க அறக்கட்டளை உருவாக்கி, மதுரை தெற்கு சார் பதிவாளர் அலுவலகத்தில் புதிவு செய்தோம்.

நித்யானந்தா நீக்கப்பட்டதற்கு பிறகு, அந்த அறக்கட்டளை கலைக்கப்பட்டது. இதனால், அறக்கட்டளை பதிவை ரத்து செய்ய சார்பதிவாளருக்கு உத்தரவிட வேண்டும் என கூறியிருந்தார்.இவ்விரண்டு மனுக்களும் கடந்த முறை விசாரணைக்கு வந்த போது, அறநிலையத்துறை சார்பிலும், அருணகிரிநாதர் மனுவுக்கு நித்யானந்தாவும் பதில் மனு தாக்கல் செய்ய உத்தரவிடப்பட்டது.

இந்நிலையில் நேற்று மதுரை கோர்ட்டில் வக்கீல்கள் கோர்ட் புறக்கணிப்பில் ஈடுபட்டனர். இதையடுத்து, அடுத்த விசாரணை நவ.30ம் தேதிக்கு தள்ளி வைக்கப்பட்டது. அரசு தரப்பிலோ, நித்யானந்தா தரப்பிலோ பதில் மனு தாக்கல் செய்யவில்லை.